Prezident Ərdoğanın lideri olduğu Ak Partiyanın parlamentdəki fraksiyasının sədr müavini Özlem Zengin Habertürk-ün canlı yayımında Kübra Parın gündəmlə bağlı suallarını cavablandırıb.
Özlem Zengin Ərdoğanın son dönəmdəki açıqlamalarından yola çıxılaraq “Ərdoğan uduzarsa, postu Kılıçdaroğluna verməyəcəkmi?” sualına “Belə bir şey ola bilərmi? Prezident postunu təhvil verməmək kimi bir şey müzakirə mövzusu ola bilməz. Bütün qərarı millətimiz verir. Bütün qərar seçki qutusundan çıxır…”, – cavabı verib.
Özlem Zengin
Xatırladaq ki, prezident Ərdoğan son mitinqlərində Kamal Kılıçdaroğlunu PKK liderlərindən təlimat almaqda, onlarla danışıqlarda ittiham edən ittihamlar səsləndirir. O, son çıxışlarının birində belə deyib: “Nə yazıq ki, biriləri başda Bay-Bay Kamal olmaq üzrə Kandillə görüşlər keçiriirlər. Yazıqlar olsun, Kandil bunları dəstəkləyəcək. Kandilin dəstəyilə bərabər bu ölkədə Prezident olacaq. Mənim millətim Kandildən aldığı dəstəklə Prezident olana bu ölkəni təslim etməz”. Turanxeber.az
