ABŞ prezidenti Co Bayden günəş batareyaları komponentlərinin yerli istehsalını genişləndirmək üçün Hərbi İstehsalat Aktını işə salıb və bir sıra Cənub-Şərqi Asiya ölkələrindən günəş batareyası idxalı tariflərini ləğv edib.
Turanxeber.az xəbər verir ki, bu barədə Ağ Evin saytında bazar ertəsi yerləşdirilmiş sənədlərdə qeyd olunur.
Qanun “təmiz enerji texnologiyalarının, o cümlədən günəş panelləri komponentlərinin yerli istehsalını sürətləndirmək üçün” imzalanıb.
Baydenin imzaladığı sənəd ABŞ-ın Kamboca, Malayziya, Tayland və Vyetnamdan komponentlərə çıxışı genişləndirərək günəş panelləri istehsalını asanlaşdıracaq. Qanun 24 ay ərzində müvafiq komponentlərin idxalını rüsumlardan azad edilməsini nəzərdə tutur.
